केज/प्रतिनिधी
परमपूज्य गुरुमाऊलींच्या आशीर्वादाने व गुरुपुत्र आदरणीय दादासाहेब यांच्या आदेशानुसार सद्गुरू प.पू.मोरेदादा चॅरिटेबल ट्रस्ट हॉस्पिटल त्र्यंबकेश्वर आयोजित श्री स्वामी समर्थ सेवा केंद्र, विठ्ठल रुक्मिणी मंदिर समर्थ नगर येथे मोफत आरोग्य तपासणी नाडी परीक्षण व सर्व रोग निदान शिबिर मोठ्या प्रतिसादात संपन्न झाले.
या शिबीराची सुरुवात दिपप्रज्वलन व धन्वंतरी पूजन करुन झाले यावेळी सद्गुरू प.पू मोरेदादा चॅरिटेबल ट्रस्ट हॉस्पिटल त्र्यंबकेश्वरचे डॉ.मोहनराव गौरकर,डॉ.श्रीकांत सलोने,सौ.अर्चनाताई रमेशराव आडसकर, भारतीय जनता मजदुर संघाचे महाराष्ट्र सचिव पत्रकार धनंजय कुलकर्णी,भारतीय जनता मजदुर संघाचे मराठवाडा सचिव पत्रकार चंद्रकांत पाटील,ह.भ.प.दिपक महाराज मेटे,अॕड.सौ. राजश्रीताई मुंडे,सौ.बोबडे मॅडम तसेच परमपूज्य गुरुमाऊली अण्णासाहेब मोरे आयुर्वेदिक मेडिकल कॉलेज कॅन्सर रिसर्च सेंटरचे डॉक्टर टीम, आरोग्य दूत जिल्हा प्रतिनिधी शिवशंकर भंडारे,तसेच गावातील सर्व स्वामीभक्त कार्यकर्ते राजकुमार गुंडेवार,श्रीराम शेटे,आगळे सर,कापरे सर,आळणे सर,विठ्ठल रुक्मिणी मंदिराचे विश्वस्त शिवाजीराव कांबळे, वल्लभ दादा राऊत,सोनी साहेब इत्यादी उपस्थित होते.यावेळी सौ. अर्चनाताई रमेशराव आडसकर यांनी आपले मनोगत व्यक्त केले.व डॉ. मोहनराव गौरकर,यांनी सद्गुरू प.पू.मोरेदादा चॅरिटेबल ट्रस्ट हॉस्पिटल त्र्यंबकेश्वर,जनकल्याण योजना व आरोग्य विषयक मार्गदर्शन केले. यावेळी गावातील सर्व ग्रामस्थ महिला,पुरुष, नागरिक,सेवेकरी मोठ्या संख्येने उपस्थित होते.हे शिबिर यशस्वी करण्या साठी स्थानिक सर्व कार्यरत सेवेकऱ्यांनी परिश्रम घेतले.यावेळी उपस्थित महिला व पुरुष मंडळी यांची आरोग्य तपासणी व नाडी परीक्षण करून योग्य औषधोपचार व आरोग्य विषयक सल्ला देण्यात आला.केज येथील नागरिकांनी समाधान व्यक्त करीत या स्तुत्य उपक्रमाचे कौतुक केले आहे.
