बनसारोळा /प्रतिनिधी
तुकाराम सुवर्णकार
मौजे बनसारोळा येथे दरवर्षीप्रमाणे याही वर्षी पद्मा देवी जीर्णोद्धार व कलशारोहण सोहळा मोठ्या थाटामाटात संपन्न झाला. दोन दिवसीय सोहळ्यामध्ये ३१-०१-२०२६ रोजी महाराष्ट्रातील सुप्रसिद्ध भारूडकार ह भ प संदीप मोहिते व ह भ प अतुल हातेकर यांचा विनोदी भारुडाची जुगलबंदी कार्यक्रम संपन्न झाला. दिनांक ०१-०२-२०२६ रोजी महाराष्ट्रातील सुप्रसिद्ध कीर्तनकार समाज प्रबोधनकार ह भ प पुरुषोत्तम दादा पाटील व ह भ प चंद्रकांत महाराज खळेकर राहुरी यांचे कीर्तन सेवा संपन्न झाले. याप्रसंगी या सोहळ्याला युवा नेते अक्षय भैया मुंदडा (चेअरमन पनगेश्वर साखर कारखाना), मा. रमेशरावजी आडसकर (चेअरमन आंबा साखर कारखाना), प्राचार्य डॉ बाबासाहेब गोरे सर, भागवत दादा गोरे, नाना गुरुजी गोरे व इतर मान्यवर उपस्थित होते. या सोहळ्यामध्ये गावातील उल्लेखनीय कार्य केलेल्या ग्रामस्थांचं सत्कार करून कौतुक करण्यात आले. यामध्ये शरद गोरे यांचे चिरंजिव शंकर गोरे याची आर्मी मध्ये निवड झाल्याबद्दल,महाराष्ट्र विद्यालयाचे मनीष गोरे सर यांचा सत्कार करण्यात आला. तसेच समाधान महाराज गोरे यांचा सत्कार करण्यात आला. ग्रामस्थ मंडळी, पद्मायी मित्र मंडळ सर्व मान्यवर यांच्या वतीने महाराष्ट्र राज्याचे उपमुख्यमंत्री कै. अजित दादा पवार यांना भावपूर्ण श्रद्धांजली देण्यात आली. या संपूर्ण कार्यक्रमाचे सूत्रसंचालन शाहीर तुकाराम सुवर्णकार यांनी केले.
