पहिलवान विजय वनवे यांनी पटकावली मानाची चांदीची गदा व ७ हजार ५५१ रुपयांचा रोख इनाम
केज/प्रतिनिधी
केज तालुक्यातील उमरी येथे सुलतान माॅ बीबी साहब यांच्या उरुसनिमित्त जंगी कुस्त्यांच्या कार्यक्रमाचे आयोजन करण्यात आले होते.पहिलवान विजय वनवे यांनी मानाची चांदीची गदा व ७ हजार ५५१ रुपयाचे रोख बक्षीस पटकावले.
याबाबतची सविस्तर माहिती अशी की, केज तालुक्यातील उमरी येथे सुलतान माॅ बीबी साहेब यांच्या उरुसनिमित्त निमित्त विविध सांस्कृतिक उपक्रमाचे आयोजन करण्यात आले होते. यामध्ये दिनांक ७ जानेवारी २०२६ रोजी सायंकाळी ८-०० वाजता संदल मिरवणूक काढण्यात आली, दिनांक ८ जानेवारी रोजी कंदोरी व रात्री ८-०० वाजता लोकनाट्य,सांस्कृतिक कार्यक्रम संपन्न झाला, दिनांक ९ जानेवारी रोजी जंगी कुस्त्यांचा कार्यक्रम संपन्न झाला.
सुलतान माॅ बीबी साहेब यांच्या उरुसनिमित्त कै. नागोराव संपतराव मुळे यांच्या पुण्यस्मरणार्थ पहिलवान विजय वनवे यांना मानाची चांदीची गदा देण्यात आली. कुस्तीचा इनाम ५ रुपयांपासून ते ७ हजार ५५१ रुपयापर्यंत देण्यात आला.
उरूस कमिटी व ग्रामस्थांनी पहिलवान विजय वनवे यांचे शाल, पुष्पगुच्छ व मानाची चांदीची गदा आणि ७ हजार ५५१ रुपयाचा इनाम देऊन सन्मान केला.
उमरी येथील काही युवक व नागरिक हे शिक्षणासाठी व नोकरीसाठी पुणे, मुंबई, छत्रपती संभाजीनगर, कोल्हापूर सह इतर ठिकाणी असतात असे सर्वजण या उरुसासाठी उमरी येथे येतात मोठ्या हर्षउल्लासाच्या वातावरणामध्ये सुलतान माॅ बीबी साहेब यांचा उरूस साजरा करत आहेत हे परंपरा गेल्या अनेक वर्षापासून अखंडपणे चालू आहे.
शेवटची कुस्ती लावण्याचा मान गावचे प्रथम नागरिक सरपंच अमोल मुळे, बालासाहेब यादव व सुशांत मुळे यांना देण्यात आला.
सदर उरूस हा यशस्वी करण्यासाठी गावातील युवक, नागरिक यांनी अथक परिश्रम घेऊन कार्यक्रम यशस्वी पार पाडला. या कार्यक्रमासाठी पंचक्रोशीतील नागरिक व पाहुणे आणि मित्रपरिवार मोठ्या संख्येने सहभागी होते.
