केज/प्रतिनिधी
दि. ८ रोजी : पुरोगामी पत्रकार संघाचे तेलंगणा राज्याध्यक्ष गजानन बीडकर तसेच राज्य सचिव गौरव बिडकर माधुरी बिडकर व गिरीश बिडकर हे बीड जिल्ह्याच्या दौऱ्यावर असताना त्यांचे आगमन केज येथील पुरोगामी पत्रकार संघाच्या सर्व पदाधिकाऱ्यांशी व पत्रकारांशी संपर्क साधून त्यांनी सदिच्छा भेट घेतली यावेळी जिल्ह्यातील पत्रकार बांधवांच्या वतीने उत्साहात स्वागत करण्यात आले.
यावेळी संघटनेचे बीड जिल्हाध्यक्ष रंजीत घाडगे जिल्हा कार्याध्यक्ष अनिल वैरागे, जेष्ठ पत्रकार चंद्रकांत पाटील, पत्रकार धनंजय कुलकर्णी, तसेच पत्रकार मुबशीर खतीब रोटरी क्लबचे मा. तालुकाध्यक्ष श्रीराम शेठ पतंजली औषधलायाचे संचालक शिवराज मुसळे तसेच प्रल्हाद देव पत्रकार लक्ष्मीकांत लासलकर यासह इतर कार्यकर्त्यांनी पुष्पगुच्छ देऊन त्यांचा सत्कार केला. पत्रकारिता क्षेत्रातील विविध विषय, पत्रकारांच्या समस्या, संघटनात्मक बांधणी तसेच पत्रकारांच्या हक्कांसाठी राबविण्यात येणाऱ्या उपक्रमांबाबत चर्चा करण्यात आली. राज्याध्यक्षांनी पत्रकारांच्या एकजुटीचे महत्त्व अधोरेखित करत संघटनेच्या माध्यमातून पत्रकारांच्या प्रश्नांसाठी सातत्याने प्रयत्न केले जातील, असे सांगितले.
या स्वागत समारंभाला जिल्ह्यातील अनेक पत्रकार, पदाधिकारी व संघटनेचे सदस्य उपस्थित होते. उपस्थितांनी राज्याध्यक्षांचे स्वागत करून त्यांना पुढील कार्यासाठी शुभेच्छा दिल्या.
