व
*महालोकप्रियता पुरस्काराने महाराष्ट्रातील अनेक दिग्गज सन्मानित*
केज :- प्रतिनिधी
पत्रकारिता क्षेत्रात उल्लेखनीय कार्य करणाऱ्या स्टार 24 न्यूज मराठी चॅनेलचा ५ वा वर्धापन दिन आणि “महालोकप्रियता” वृत्तपत्राचा भव्य प्रकाशन सोहळा पुणे येथील पावन भूमीत विविध मान्यवरांच्या उपस्थितीत उत्साहात संपन्न झाला.
पत्रकारिता क्षेत्रात एक महत्त्वपूर्ण पाऊल टाकत डिजिटल मीडियासोबत प्रिंट मीडियामध्येही “महालोकप्रियता” वृत्तपत्राचे पदार्पण करण्यात आले. स्टार 24 न्यूज मराठी चॅनेलने गेल्या पाच वर्षांमध्ये समाजातील विविध प्रश्नांना वाचा फोडत पत्रकारितेच्या माध्यमातून उल्लेखनीय कार्य केले आहे.
या कार्यक्रमाचे औचित्य साधून महाराष्ट्रातील विविध क्षेत्रात उल्लेखनीय व प्रेरणादायी कार्य करणाऱ्या मान्यवरांचा पुरस्कार देऊन सन्मान करण्यात आला. त्यात मनिषा ताई घुले, महिला सक्षमीकरण प्रेरणा पुरस्कार,शिवाजी ठोंबरे जनसेवा प्रेरणा पुरस्कार, हभप. शेळके, अध्यात्मिक प्रेरणा पुरस्कार, कृष्णा मारोतराव बागल, शैक्षणिक प्रेरणा पुरस्कार, अमोल जयराम कस्तुरे, आकाश बालाजी पांचाळ, युवा उद्योजक्ता प्रेरणा पुरस्कार यांना महा लोकप्रियताचे पुरस्कार प्रदान करण्यात आले.
कार्यक्रमात उपस्थित मान्यवरांनी संपादक संतोष गोतावळे व सहसंपादक दत्तात्रय मुजमुले यांच्या “महालोकप्रियता” वृत्तपत्र व स्टार 24 न्यूज मराठी चॅनेलच्या पुढील वाटचालीस शुभेच्छा देत समाजाभिमुख पत्रकारिता अधिक बळकट होईल, असा विश्वास व्यक्त केला.
