मान्सून पूर्व स्वच्छता मोहिमेस केज नगरपंचायतच्या वतीने सुरुवात
शहरातील सुजान नागरिकांनी स्वच्छता मोहिमेत सहभागी होऊन आपले शहर स्वच्छ व सुंदर शहर करण्यास सहकार्य करावे-डॉ.इनामदार डॉ. बनसोड
केज/प्रतिनिधी
केज शहरांमध्ये मान्सून पूर्व स्वच्छता मोहिमेस नगरपंचायतच्या वतीने सुरुवात करण्यात आली आहे तरी केज शहरातील सुजान नागरिकांनी स्वच्छता मोहिमेत सहभागी होऊन आपले शहर स्वच्छ व सुंदर शहर करण्यास सहकार्य करावे असे आवाहन राष्ट्रवादी काँग्रेस अजितदादा पवार पक्षाचे ज्येष्ठ नेते तथा गटनेते डॉ.हारुणभाई इनामदार व नगराध्यक्षा डॉ. सौ.सीताताई बनसोड यांनी केले आहे.
केज नगरपंचायत च्या वतीने मान्सूनपूर्व स्वच्छता मोहिमेस बुधवार रोजी प्रभाग क्रमांक सात मधील नालंदा विद्यालया पासून श्रीफळ फोडून सुरुवात करण्यात आली.
यावेळी प्रसार माध्यमांशी बोलताना डॉ. हरुणभाई इनामदार म्हणाले की,बुधवार व गुरुवर रोजी प्रभाग क्रमांक सात,आठ,नऊ या प्रभागामध्ये स्वच्छता मोहीम राबवण्यात आली आहे सदर स्वच्छता मोहीम ही प्रभाग क्रमांक आठ मधून कळंब रोड वरील माऊली सिनेमागृह पर्यंत करून शहरातील सर्व मुख्य रस्ते व सर्व प्रभागातील मुख्य रस्त्यावरील मोठमोठ्या नाल्या व गल्लीतील छोट्या नाल्या आणि सार्वजनिक ठिकाणचे आणि रिकाम्या परिसरातील सर्व झाडे तोडून संपूर्ण शहर स्वच्छ व सुंदर शहर करणार आहोत पावसाळ्यामध्ये पाणी तुंबून नागरिकांची गैर सोय होऊ नये व नागरिकांचे आरोग्य धोक्यात येऊ नये नागरिक पावसाळ्यात निरोगी राहावेत या संकल्पनेतून मान्सून पूर्व स्वच्छता मोहीम राबवत आहोत. नगराध्यक्षा सौ. डॉ. सीताताई बनसोड यांनी म्हटले की, सध्या उन्हाळ्याचे दिवस चालू आहेत यावर्षी उन्हाची अति तीव्रता असल्याने नागरिकांनी उन्हामध्ये घराबाहेर पडू नये महत्वाच्या कामासाठीच नागरिकांनी सकाळी व संध्याकाळच्या वेळी घराबाहेर पडावे व स्वतःच्या आरोग्याची काळजी घ्यावी. पुढे बोलताना बनसोड म्हणाले की, सध्या उन्हाची तीव्रता लक्षात घेऊन आम्ही नगरपंचायत मार्फत शहरांमध्ये नवीन ६५ बोरवेल घेतल्या आहेत नागरिकांना पाणी कमी पडणार नाही याची आम्ही काळजी घेत आहोत त्याचबरोबर पावसाळाही जवळ आला असल्याने नागरिकांची गैर सोय होऊ नये म्हणून केज नगरपंचायत मार्फत मान्सूनपूर्व स्वच्छता मोहीम राबवत आहोत या मोहिमेत केज शहरातील सुजाण नागरिकांनी सहभागी होऊन आपला परिसर व शहर स्वच्छ करण्यासाठी सहकार्य करावे आपले शहर सुंदर शहर राहण्यासाठी नागरिकांनी शहरातील मुख्य रस्त्यावर व परिसरातील रिकाम्या जागेवर घरातील कचरा न टाकता घंटागाडी मध्ये टाकावा जर एखाद्या प्रभागांमध्ये घंटागाडी न आल्यास आमच्याशी संपर्क साधावा तात्काळ त्या ठिकाणी घंटागाडीची सोय केली जाईल. आपण जर आपले घर, आपला परिसर आणि आपले शहर स्वच्छ ठेवले तर आपले आरोग्य निरोगी राहील. त्यासाठी सर्व सुजाण नागरिकांनी या स्वच्छता मोहिमेत सहभागी होऊन आपला परिसर आणि आपले शहर स्वच्छ करण्या स सहकार्य करावे असे आवाहन गटनेते डॉ.हरूणभाई इनामदार व नगराध्यक्षा डॉ.सौ. सीताताई बनसोड यांनी केले आहे.
