केज/प्रतिनिधी
केज शहरातील महात्मा फुले नगर भागातील नालंदा विद्यालय येथे समता सैनिक एक दिवसीय महिला व पुरुष प्रशिक्षण शिबिराचे आयोजन करण्यात आले आहे. तरी सर्व बौद्ध उपासक-उपासिका व भारतीय बौद्ध महासभेचे सर्व आजी-माजी पदाधिकारी आणि हितचिंतक यांनी मोठ्या संख्येने उपस्थित रहावे असे आवाहन भारतीय बौद्ध महासभा शहर अध्यक्ष जयपाल मस्के सर यांनी केले आहे.
याबाबतची सविस्तर माहिती अशी की, रविवार दिनांक १४ डिसेंबर २०२५ रोजी कार्यक्रमाचे आयोजन करण्यात आले होते परंतु काही तांत्रिक कारणास्तव सदर कार्यक्रम हा तात्पुरत्या स्वरूपात स्थगित करण्यात आला होता. सदरचा नियोजित कार्यक्रम हा रविवार रोजी दिनांक २२ डिसेंबर २०२५ रोजी महात्मा फुले नगर भागातील नालंदा विद्यालय येथे समता सैनिक एक दिवसीय महिला व पुरुष प्रशिक्षण शिबिराचे आयोजन करण्यात आलेले आहे. या कार्यक्रमास बौद्ध धम्म बंधू भगिनी मोठ्या संख्येने उपस्थित राहावे असे आवाहन भारतीय बौद्ध महासभा शहर शाखेचे शहराध्यक्ष जयपाल मस्के सर यांनी केले आहे.
समता सैनिक दलाची स्थापना बोधिसत्व, महामानव डॉ. बाबासाहेब आंबेडकर यांनी केलेली आहे. आंबेडकरी चळवळीतील आंदोलनाला गतिमान करण्यासाठी व प्रबुद्ध भारताच्या निर्मिती करिता जास्तीत जास्त आंबेडकरी अनुयायांनी समता सैनिक दलाचे सदस्य होणे गरजेचे आहे. तरी सदरील शिबिरास मोठ्या संख्येने नोंदणी करून प्रशिक्षण शिबिरास उपस्थित राहावे असे आवाहन प्रसिद्धीपत्रकाद्वारे भारतीय बौद्ध महासभा शहराध्यक्ष जयपाल मस्के यांनी केले आहे.
