बीड/प्रतिनिधी
धानोरा येथील भिल्ल समाजाच्या वस्तीवर मदतीचा हात म्हणून जावेद कुरेशी यांच्याकडून शैक्षणिक साहित्य व कपड्यांचे वाटप केले आहे.
धर्मराज बहुउद्देशीय सेवाभावी संस्थेच्या पुढाकाराने वस्तीवरील पाणी प्रश्नाकडे लक्ष वेधल.
बीड तालुक्यातील धानोरा येथील भिल्ल समाजातील वस्तीवर राहणाऱ्या भटके विमुक्त समुदायाच्या समस्या जाणून घेत, धर्मराज बहुउद्देशीय सेवाभावी संस्थेच्या माध्यमातून मदतीचा हात देण्यात आला. प्रसिद्ध दानशूर व्यक्तिमत्व जावेद कुरेशी यांनी या वस्तीवरील मुलांच्या शिक्षणासाठी शैक्षणिक साहित्य, कपडे आणि महिलांना साड्यांचे वाटप केले. यावेळी वस्तीवरील तीव्र पाणीटंचाईचा प्रश्नही ऐरणीवर आला आहे.
जावेद कुरेशी यांच्या या उपक्रमामुळे मुले आणि महिलांच्या चेहऱ्यावर समाधान दिसून आले. या वस्तीवरील नागरिकांनी धर्मराज सेवाभावी संस्थेचे व जावेद कुरेशी यांचे आभार मानले. धानोरा येथील भिल्ल समाजाच्या वस्तीवरील बहुतांश लोक हे ऊसतोड कामगार असून, रोजगारासाठी त्यांचे मोठ्या प्रमाणावर स्थलांतर होत असते. या कुटुंबातील मुलांना शिक्षणाच्या मुख्य प्रवाहात टिकवून ठेवण्यासाठी जावेद कुरेशी यांनी पुढाकार घेतला. वस्तीवरील सर्व लहान मुलांना शालेय साहित्य आणि नवीन कपडे देण्यात आले. तसेच वस्तीवरील महिलांना साड्यांचे वाटप करण्यात आले. या मदतीमुळे वस्तीवर आनंदाचे वातावरण पाहायला मिळाले.
पाणीटंचाईची भीषण समस्या या वस्तीवर पिण्याच्या पाण्याची मोठी समस्या आहे. येथील महिलांना कोसो कोसो दूर वन वन करत पायपीट करून पिण्याचे पाणी आणावे लागते. ऊसतोडणीसाठी बाहेरगावी जावे लागत असल्याने मुलांच्या संगोपनाचा आणि प् पाण्याचा प्रश्न अधिक गंभीर बनला आहे. या वस्तीवरील नागरिक हे शासनाच्या विविध योजने पासून व लाभापासून वंचित आहेत. धर्मराज बहुउद्देशीय सेवाभावी संस्था या प्रश्नावर सातत्याने काम करत असून, प्रशासनाने याकडे लक्ष द्यावे, अशी मागणी संस्थेच्या वतीने करण्यात येत आहे.
वंचितांच्या सेवेसाठी संस्था तत्पर धर्मराज बहुउद्देशीय सेवाभावी संस्था गेल्या अनेक दिवसांपासून भिल्ल समाजासाठी व इतर समुदायातील मुलांचे शिक्षण आणि आरोग्य यावर काम करत आहे. संस्थेच्या पदाधिकाऱ्यांनी वस्तीवरील समस्या जावेद कुरेशी यांना सांगितल्यानंतर त्यांनी क्षणाचाही विलंब न लावता मदतीसाठी धावून येण्याचे मान्य केले.
”या समाजातील मुलांच्या हातात पाटी-पेन्सिल असावी आणि त्यांच्या मूलभूत गरजा पूर्ण व्हाव्यात, या भावनेतून आम्ही ही छोटीशी मदत केली आहे. भविष्यातही या वस्तीसाठी आम्ही सहकार्य करत राहू. जावेद कुरेशी (देणगीदार)
या उपक्रमासाठी धर्मराज बहुउद्देशीय सेवाभावी संस्थेचे कार्यकर्त्या प्रियंका खोब्रागडे, रुपाली कुटे जिव्हाळा केंद्राचे राजू वंजारे, अभिजित वैद्य, छाया सरवदे आणि कांबळे सर उपस्थित होते.
