केज/प्रतिनिधी
केज शहरातील महात्मा फुले नगर,हाउसिंग कॉलनी, आंबेडकर नगर भागातील एल. एफ.सी. चौक येथे नामविस्तार दिन साजरा करण्यात आला आहे. यावेळी नामांतर लढ्यातील शहीद भीमसैनिकांना अभिवादन करण्यात आले.
या कार्यक्रमाची सुरुवात सर्वप्रथम केज नगरपंचायतच्या नगराध्यक्षा डॉ.सौ. सीताताई बनसोड यांच्या व उपस्थितांच्या हस्ते ध्वजारोहण करून तथागत भगवान गौतम बुद्ध व महामानव डॉ.बाबासाहेब आंबेडकर यांच्या प्रतिमेला पुष्पहार अर्पण करून धूप-दीपाने पूजन करून अभिवादन करण्यात आले. व सामूहिक बुद्ध वंदना ग्रहण करण्यात आली.
मराठवाडा विद्यापीठाला डॉ. बाबासाहेब आंबेडकर यांचे नाव देण्यासाठी मोठा लढा उभारून प्रदीर्घ संघर्ष हा आंबेडकर चळवळीतील पॅंथर, भीमसैनिकांना करावा लागला. या संघर्षामध्ये अनेक भीमसैनिकांनी आपल्या जीवाची परवा न करता लढले. काही भीमसैनिक शहीद झाले तर काही पॅंथर, भीमसैनिकांना कारावास भोगावा लागला.
संबंध राज्यभर १४ जानेवारी रोजी नामविस्तार दिन मोठ्या उत्साहात साजरा करत आहेत. त्याच अनुषंगाने
प्रत्येक वर्षी केज शहरातील महात्मा फुले नगर येथे मोठ्या उत्साहामध्ये मराठवाडा नामविस्तार दिन साजरा करत आहेत. याही वर्षी देखील वरील ठिकाणी नामविस्तार दिन हा बौद्ध उपासक-उपासिका, बालक- बालिका यांनी मोठ्या उत्साहामध्ये साजरा केला.
यावेळी नगराध्यक्षा डॉ.सौ.सीताताई बनसोड, नगरसेविका पद्मिनी आक्का शिंदे, ज्येष्ठ नेते धनराज सोनवणे, अशोक गायकवाड, पत्रकार तात्या गवळी, पत्रकार विवेक बनसोड, राहुल इनकर, किरण जोगदंड, अशोक धीवार, संदिपान गायकवाड सर, अनंत शिरसट, बाळासाहेब मस्के, भारतीय बौद्ध महासभेच्या महिला तालुका शाखेच्या अध्यक्षा महानंदाताई गायकवाड, भारतीय बौद्ध महासभेच्या सरचिटणीस मीराताई गवळी, भारतीय बौद्ध महासभेच्या संस्कार सचिव ज्योतीताई शिरसट, प्रमिलाताई मस्के, सविताताई कांबळे, सारिकाताई शिंदे, विमलताई जोगदंड, काळे ताई, हजारे ताई यांच्यासह महात्मा फुले नगर, हाउसिंग कॉलनी, आंबेडकर नगर भागातील बौद्ध उपासक-उपासिका,बालक- बालिका उपस्थित होते.
