किल्ले धारूर (प्रतिनिधि)
धारूर तालुक्यातील धुनकवाड पाटी जवळ चार दिवसापुर्वी बीड अग्नीशमन दलाच्या गाडीने अपघातग्रस्त झालेल्या सुदे कुटुंबातील सौ.कुसुमताई विष्णू सुदे यांचे उपचारादरम्यान लातूर येथे दु:खद निधन झाले असून विष्णू दामोदर सुदे यांची प्रकृती गंभीर आहे.त्यांच्यावर पुणे येथील रुबी हॉल हॉस्पिटल मध्ये उच्च प्रतिचे उपचार चालु आहेत.या कुटुंबाच्या उपचाराचा सर्व खर्च शासनाच्या वतीने करण्यात येत आहे.या बाबत चे आदेश उप मुख्यमंत्री ना.अजिददादा पवार साहेब यांनी जिल्हाधिकारी,बीड यांना दिलेले आहेत.
या घटनेबद्दल माझ्याशी भ्रमणध्वनीवरून बोलताना ना.अजीतदादा पवार साहेब म्हणाले की,घटना खूप दुर्दैवी व मनाला वेदना देणारी आहे.या घटनेत विष्णू सुदे यांच्यावर उच्च प्रतिचे उपचार चालू असून त्यांची प्रकृती लवकर चांगली व्हावी या साठी ईश्वलाला प्रार्थना करतो.परंतू या घटनेत आमची लाडकी भगिनी सौ.कुसुमताई विष्णू सुदे यांचे उपचारादरम्यान दु:खद निधन झाले आहे.यामुळे मला व्यक्तिश: खूप दु:ख झालेले आहे.या घटनेमुळे सुदे-तुंबड परिवाराला झालेल्या दु:खात राष्ट्रवादी काँग्रेस पक्ष सोबत आहे.
झालेली घटना खूप दु:खद आहे.गेलेली आमची लाडकी भगिनी परत येणार नाही परंतू शिव,शाह,फुले,आंबेडकर,स्व.यशवंतराव चव्हाण साहेब यांच्या विचाराने चालणारा राष्ट्रवादी काँग्रेस पक्ष कोणालाही उघड्यावर पडू देणार नाही.करीता राष्ट्रवादी काँग्रेस पक्षाच्या वतीने दोन्ही मुलींचे शिक्षण व भविष्यासाठी या कुठुंबाला दहा लक्ष रूपयाची सानुग्रह मदत देत आसून दोन मुलींच्या नावे पाच पाच लक्ष रुपये स्टेट बँक ऑफ इंडीया,शाखा धारूर येथे त्यांच्या वयाच्या आठरा वर्षाच्या मुदतीपर्यंत फिक्स डिपॉझिट राष्ट्रवादी काँग्रेस पक्ष,बीड च्या वतीने करणे बाबत मला आदेशीत केले आहे. करीता तात्काळ मुलींचे बँक खाते काढून पाच पाच लक्ष रूपये दोन्ही मुलींच्या नावे फिक्स डिपॉझिट करणार असल्याची माहीती राष्ट्रवादी काँग्रेस पक्षाचे जिल्हाध्यक्ष ॲड.राजेश्वर चव्हाण यांनी माध्यमांना दिली आहे.
